വന്യജീവി വാരാഘോഷത്തോട് അനുബന്ധിച്ച് തിരുവനന്തപുരം മാനവീയം വീഥിയില്‍ ഒക്ടോബര്‍ എട്ടുവരെ 'കാനനകാന്തി' വനോല്‍പ്പന്ന-പാരമ്പര്യ ഭക്ഷണ പ്രദര്‍ശന വിപണനമേള നടക്കും. പരിസ്ഥിതി പുസ്തകമേള, വന്യജീവി ഫോട്ടോ പ്രദര്‍ശനം, ആദിവാസി പാരമ്പര്യകലകളുടെ അവതരണം, സാംസ്‌കാരിക പരിപാടികള്‍, ഷോര്‍ട്ട് ഫിലിം ഫെസ്റ്റിവല്‍, ചര്‍ച്ചകള്‍, കാലമേള തുടങ്ങിയവ ഉണ്ടായിരിക്കുന്നതാണ്.

 വയനാട് വന്യജീവി സങ്കേതത്തിലെ മുത്തങ്ങ, തോല്‍പ്പെട്ടി എന്നിവടങ്ങളിലെ ഇക്കോം ടൂറിസം സഫാരി ബുധനാഴ്ച പുനരാരംഭിച്ചു.രാവിലെ 7 മുതല്‍ 10 വരെയും ഉച്ചയ്ക്ക് ശേഷം 3 മുതല്‍ വൈകീട്ട് 5 വരെയുമുള്ള കാനന സഫാരിയാണ് തുടങ്ങുന്നത്. സഫാരിക്കുള്ള ടിക്കറ്റുകള്‍ അതത് കേന്ദ്രങ്ങളില്‍ നിന്നും ലഭ്യമാകും. ഒക്‌ടോബര്‍ 7 മുതല്‍ www.wayanadwildlifesanctuary.com എന്ന വെബ്‌സൈറ്റ് വഴി ബുക്കിംഗ് നടത്താം.

ഫോണ്‍ മുത്തങ്ങ :9947271015 തോല്‍പ്പെട്ടി :7907543321

പൊതുവിദ്യാഭ്യാസ വകുപ്പിനു കീഴിൽ പ്രവർത്തിക്കുന്ന, കരിയർ ഗൈഡൻസ് ആൻഡ് അഡോളസെന്റ് കൗൺസലിങ് സെല്ലിന്റെ നേതൃത്വത്തിൽ സംഘടിപ്പിക്കുന്ന ‘ദിശ’ ഉന്നത വിദ്യാഭ്യാസ മേള ഒക്ടോബർ 4 മുതൽ 8 വരെ തൃശൂർ തേക്കിൻകാട് മൈതാനത്ത് നടക്കും. മേളയുടെ ഭാഗമായി ദേശീയ - അന്തർദേശീയ തലത്തിലെ എഴുപതോളം മികച്ച സ്ഥാപനങ്ങളുടെ സ്റ്റാളുകളാണ് ഒരുക്കുക. കേന്ദ്ര, സംസ്ഥാന സർക്കാരിനു കീഴിൽ പ്രവർത്തിക്കുന്ന രാജ്യത്തെ മികച്ച യൂണിവേഴ്സിറ്റികളും ഉന്നത നിലവാരമുള്ള വിദ്യാഭ്യാസ സ്ഥാപനങ്ങളും മേളയിൽ പങ്കെടുക്കും

ഗാന്ധിജയന്തി വാരാഘോഷത്തോടനുബന്ധിച്ച് കേരള ഖാദി ഗ്രാമ വ്യവസായ ബോര്‍ഡ് തിരുവനന്തപുരം ജില്ലയിലെ ഹൈസ്‌കൂള്‍ , ഹയര്‍ സെക്കണ്ടറി വിദ്യാര്‍ത്ഥികള്‍ക്കായി ക്വിസ് മത്സരം സംഘടിപ്പിക്കുന്നു. ഗാന്ധിജിയും ഖാദിയും സ്വാതന്ത്ര്യസമരവും എന്ന വിഷയത്തില്‍ ഒക്ടോബര്‍ പത്തിന് രാവിലെ 10 മണിക്ക് വൈ.എം.സി.എ കെ.സി ഈപ്പന്‍ ഹാളിലാണ് മത്സരം നടക്കുന്നത്. ഒരു സ്‌കൂളില്‍ നിന്ന് എട്ട് മുതല്‍ പ്ലസ്ടു വരെയുള്ള ക്ലാസുകളിലെ രണ്ട് കുട്ടികൾക്ക് മത്സരിക്കാം. പങ്കെടുക്കുന്ന വിദ്യാര്‍ത്ഥികളുടെ പേര്, ക്ലാസ്, ഫോണ്‍ നമ്പര്‍ എന്നിവ സെപ്റ്റംബര്‍ 30ന് മുന്‍പായി potvm@kkvib.org എന്ന ഇ-മെയില്‍ വിലാസത്തില്‍ അയക്കണം. വിവരങ്ങള്‍ക്ക്: 9495300528, 8075733259.

വന്യജീവി വാരാഘോഷത്തിൻ്റെ ഭാഗമായി ഒക്ടോബർ 2 മുതൽ 8 വരെ സ്കൂൾ, കോളേജ് വിദ്യാർത്ഥികളെ പങ്കെടുപ്പിച്ച് ജില്ലാ സോഷ്യൽ ഫോറസ്ട്രി ഡിവിഷൻ വിവിധ മൽസരങ്ങൾ സംഘടിപ്പിക്കുന്നു. ഒക്ടോബർ 2, 3 തീയതികളിൽ കട്ടപ്പന ഗവ. ട്രൈബൽ ഹൈസ്കൂളിലാകും മത്സരങ്ങൾ നടക്കുക. അംഗീകാരമുള്ള വിദ്യാഭ്യാസ സ്ഥാപനങ്ങളിൽ നിന്നും അധികാരികൾ സാക്ഷ്യപ്പെടുത്തിയ കത്തുമായി എത്തുന്ന രണ്ട് പേർക്ക് വീതം ഓരോ വിഭാഗത്തിലും പങ്കെടുക്കാം. ക്വിസ് മൽസരത്തിന് രണ്ടു പേർ ഉൾപ്പെടുന്ന ഒരു ടീമിന് ഒരു സ്ഥാപനത്തിൽ നിന്നും, ഓരോ വിഭാഗത്തിലും പങ്കെടുക്കാവുന്നതാണ്. വിവരങ്ങൾക്ക്: 04862 2325105, 9946413435.

മുഴുവന്‍ സമയ തൊഴിലധിഷ്ഠിത, പ്രവൃത്തിപര, സാങ്കേതിക കോഴ്സുകള്‍ക്ക് പഠിക്കുന്ന വിമുക്തഭടന്‍മാരുടെ കുട്ടികള്‍ക്കും ഭാര്യമാര്‍ക്കും അമാല്‍ഗമേറ്റഡ് ഫണ്ടില്‍ നിന്നും നല്‍കിവരുന്ന സ്‌കോളര്‍ഷിപ്പിന് അപേക്ഷിക്കാം. മുന്‍വര്‍ഷത്തെ പരീക്ഷയില്‍ 50 ശതമാനമോ അതിലധികമോ മാര്‍ക്ക് ലഭിച്ചിരിക്കണം. നവംബര്‍ 20 ന് മുന്‍പായി സര്‍വീസ് പ്ലസ് പ്ലാറ്റ്‌ഫോം വഴി ഓണ്‍ലൈനായിട്ടാണ് അപേക്ഷകള്‍ സമര്‍പ്പിക്കേണ്ടത്. കൂടുതല്‍ വിവരങ്ങള്‍ക്ക് ആലപ്പുഴ ജില്ലാ സൈനികക്ഷേമ ഓഫീസുമായി ബന്ധപ്പെടാവുന്നതാണ്. ഫോണ്‍: 0477 2245673.

ആലപ്പുഴ ജില്ലയിലെ കുടുംബശ്രീ ത്രിതല സംഘടനാ സംവിധാനത്തില്‍ ഓഡിറ്റിഗ് കൂടുതല്‍ കാര്യക്ഷമമാക്കുന്നതിന്റെ ഭാഗമായി ജില്ലയില്‍ ഓഡിറ്റര്‍മാരെ നിയമിക്കുന്നു. 21 നും 40 നും മധ്യേ പ്രായമുള്ള കുടുംബശ്രീ, ഓക്സിലറി ഗ്രൂപ്പ് അംഗങ്ങൾക്ക് നിലവിലുള്ള 11 ഒഴിവുകളിലേക്ക്‌ അപേക്ഷിക്കാം. അപേക്ഷകർക്ക് കൊമേഴ്‌സിൽ ബിരുദാനന്തര ബിരുദമോ, ബിരുദമോ ഉണ്ടായിരിക്കണം, കൂടാതെ കമ്പ്യൂട്ടര്‍ പരിജ്ഞാനം (ടാലി ഉള്‍പ്പെടെ) ഉള്ളവരുമായിരിക്കണം. താല്‍പര്യമുള്ളവര്‍, യോഗ്യത തെളിയിക്കുന്ന സര്‍ട്ടിഫിക്കറ്റുകളുടെയും ഫോട്ടോ പതിച്ച തിരിച്ചറിയല്‍ രേഖയുടെയും സ്വയം സാക്ഷ്യപ്പെടുത്തിയ പകർപ്പുമായി ഒക്ടോബര്‍ നാലിന് വൈകുന്നേരം 5 മണിക്കുള്ളില്‍ കുടുംബശ്രീ ആലപ്പുഴ ജില്ലാ മിഷന്‍ ഓഫീസില്‍ അപേക്ഷ സമര്‍പ്പിക്കേണ്ടതാണ്. അപേക്ഷ ഫോം ജില്ലാ മിഷന്‍ ഓഫീസില്‍ നിന്നോ ബന്ധപ്പെട്ട കുടുംബശ്രീ സി.ഡി.എസ് ഓഫീസില്‍ നിന്നോ ലഭിക്കും. മേല്‍വിലാസം: ജില്ലാ മിഷന്‍ കോ-ഓര്‍ഡിനേറ്റര്‍, കുടുംബശ്രീ, വലിയകുളം, ആലപ്പുഴ- 688001. കൂടുതല്‍ വിവരങ്ങള്‍ക്ക് ജില്ലാ മിഷന്‍ ഓഫീസുമായി നേരിട്ട് ബന്ധപ്പെടുക.

വിദ്യാര്‍ത്ഥികളുടെ തുടർപഠനത്തിന് സഹായകരമാകുന്ന പ്രെഡിക്ട് ജനകീയ സ്കോളര്‍ഷിപ്പ് പദ്ധതിക്ക് അപേക്ഷിക്കാം. തൃത്താല മണ്ഡലത്തിൽ സ്ഥിരതാമസക്കാരും, ഈ വർഷം പത്താം ക്ലാസ് പൂർത്തീകരിച്ചവരും, സർക്കാർ ,എയ്ഡഡ് സ്ക്കൂളുകളിൽ പഠിച്ചവരുമായിരിക്കണം അപേക്ഷകർ. ആകെ വിഷയങ്ങളിൽ ഒൻപത് എ പ്ലസ് എങ്കിലും നേടിയവരും, കുടുംബ വാര്‍ഷിക വരുമാനം ഒരു ലക്ഷം രൂപയില്‍ കൂടുതലും ഉള്ളവരുമാകരുത്. അപേക്ഷാഫോറം മണ്ഡലത്തിലെ ഹൈസ്കൂള്‍ ഹെഡ്‌മാസ്റ്റര്‍മാരില്‍ നിന്നും ലഭിക്കും. പൂരിപ്പിച്ച അപേക്ഷാ ഫോറവും SSLC മാര്‍ക്ക് ലിസ്റ്റിന്റെ പകര്‍പ്പും സഹിതം നേരിട്ടോ തപാല്‍ മുഖേനയോ ഒക്ടോബർ 10നകം തദ്ദേശസ്വയംഭരണ-എക്സൈസ്, പാർലമെൻ്ററി കാര്യ വകുപ്പ് മന്ത്രിയുടെ പ്രാദേശിക ക്യാമ്പ് ഓഫീസ്, കൂറ്റനാട്, തൃത്താല, പാലക്കാട് - 679533 എന്ന വിലാസത്തിൽ ലഭ്യമാക്കണം.അപേക്ഷയുടെ കവറിനു പുറത്ത് 'പ്രെഡിക്ട് സ്കോളര്‍ഷിപ്പ് പദ്ധതി 2024' എന്ന് രേഖപ്പെടുത്തണം. വിശദവിവരങ്ങള്‍ക്ക് - 9633877504,94477 51345, 9446907901

തിരുവനന്തപുരം ആർഎംഎസ് ഡിവിഷന്റെ പരിധിയിൽപ്പെടുന്ന തപാൽ സേവനങ്ങളെ സംബന്ധിച്ച പരാതികളും നിർദ്ദേശങ്ങളും പരിഗണിക്കുന്നതിനുള്ള ‘ഡാക് അദാലത്ത്’ സെപ്റ്റംബർ 30 ഉച്ചയ്ക്ക് 3 മണിക്ക് ഗൂഗിൾ മീറ്റ് വഴി നടത്തും. അദാലത്തിൽ പരിഗണിക്കാനുള്ള പരാതികളും നിർദ്ദേശങ്ങളും പരാതിക്കാരന്റെ ഇ-മെയിൽ ഐഡി / വാട്സ്ആപ്പ് നമ്പർ സഹിതം സെപ്റ്റംബർ 28 നകം ലഭ്യമാക്കണം. ഗൂഗിൾ മീറ്റ് പങ്കെടുക്കാനുള്ള ലിങ്ക് പരാതിക്കാരന് മൊബൈൽ നമ്പർ, ഇമെയിൽ ഐഡി വഴി കൈമാറും. ഇ-മെയിൽ: ssrmtv.keralapost@gmail.com / rmsdotv.kl@indiapost.gov.in. മേൽവിലാസം: സീനിയർ സൂപ്രണ്ട്, തിരുവനന്തപുരം ആർഎംഎസ് ടിവി ഡിവിഷൻ, തിരുവനന്തപുരം – 695023.

മേപ്പാടി പഞ്ചായത്തിലെ മുണ്ടക്കൈ-ചൂരല്‍മല ഉരുള്‍പ്പൊട്ടലില്‍ വീട് നഷ്ടപ്പെട്ടവരും താമസിക്കാന്‍ കഴിയാത്ത വിധം വീട് തകര്‍ന്നവരുമായവരില്‍ നിലവില്‍ ബന്ധു, വാടക വീടുകളില്‍ താമസിക്കുന്നവര്‍ക്ക് ഗവ.ക്വാര്‍ട്ടേഴ്‌സ് ഉപാധികളോടെ അനുവദിക്കുന്നതിനുള്ള അപേക്ഷ ക്ഷണിച്ചു. നിശ്ചിത ഫോറത്തില്‍ പൂര്‍ണ്ണ വിവരങ്ങളോടെ സെപ്തംബര്‍ 28 ന് വൈകുന്നേരം നാലിന് മുന്‍പ് തദ്ദേശ സ്വയംഭരണവകുപ്പ് ജില്ലാ ജോയിന്റ് ഡയറക്ടറുടെ കാര്യാലയത്തില്‍ അപേക്ഷ നല്‍കണം. ഫോണ്‍ 04936 202634.

കേരള സംസ്ഥാന ഭിന്നശേഷി കോർപ്പറേഷനും, കേരള സംസ്ഥാന പനയുൽപ്പന്ന തൊഴിലാളി വികസന കോർപ്പറേഷനും (കെൽപാം) സംയുക്തമായി ഭിന്നശേഷിക്കാർക്ക് ബങ്കുകൾ ആരംഭിച്ച് നൽകുന്നതിനുള്ള പദ്ധതിക്കുള്ള അപേക്ഷകൾ ക്ഷണിച്ചു. തിരുവനന്തപുരം നഗരസഭാ പരിധിയിലെ സ്ഥിരതാമസക്കാരായ 40 ശതമാനം ഭിന്നശേഷിത്വമുള്ളവർക്ക്‌ അപേക്ഷിക്കാം. താല്പര്യമുള്ളവർ പേരും മറ്റ് വിശദാംശങ്ങളും ഫോട്ടോഗ്രാഫും ഉൾപ്പെടെ സെപ്റ്റംബർ 30 ന് വൈകിട്ട് 5 മണിക്കകം നിശ്ചിത അപേക്ഷാ ഫോമിൽ ഭിന്നശേഷിക്ഷേമ കോർപ്പറേഷനിൽ ലഭ്യമാക്കേണ്ടതാണ്. അപേക്ഷാ ഫോമും മറ്റു വിശദാംശങ്ങളും www.hpwc.kerala.gov.in എന്ന വെബ്സൈറ്റിൽ ലഭ്യമാണ്. കൂടുതൽ വിവരങ്ങൾക്ക് ഫോൺ: 0471-2347768, 9497281896.

'ഗുഡ് മോണിങ് കളക്ടർ' പരിപാടിയുമായി വയനാട്. ഹൈസ്‌ക്കൂൾ മുതൽ മുകളിലേക്കുള്ള ക്ലാസുകളിൽ പഠിക്കുന്ന വിദ്യാർത്ഥികൾക്ക് എല്ലാ ബുധനാഴ്ചകളിലും രാവിലെ 9.30 മുതൽ 10.00 വരെ ജില്ലാ കളക്ടറുമായി കൂടിക്കാഴ്ച നടത്താം. ഒരു വിദ്യാലയത്തിൽ നിന്നും പരമാവധി 15 പേരുള്ള ടീമിനാണ് അനുമതി നൽകുക. ഏത് വിഷയങ്ങളിലുമുള്ള ചോദ്യങ്ങൾ ചോദിക്കാനും വിദ്യാർത്ഥികളുടെ ആശയങ്ങൾ കളക്ടറുമായി പങ്കുവെയ്ക്കാനും സാധിക്കും. സർക്കാർ സംവിധാനങ്ങൾ നേരിട്ട് പരിചയപ്പെടാനും, ആഗ്രഹങ്ങൾ വളർത്താനും വിദ്യാർത്ഥികൾക്ക് അവസരം നൽകുന്നതിനാണ് പരിപാടിയിലൂടെ ലക്ഷ്യമിടുന്നത്. അനുമതിക്കായി https://shorturl.at/lQ8GQ പൂരിപ്പിക്കുക.

വന്യജീവി വാരാഘോഷത്തോടനുബന്ധിച്ച് വനം വന്യജീവി വകുപ്പ് മലപ്പുറം ജില്ലയിലെ വിദ്യാര്‍ഥികള്‍ക്കായി സംഘടിപ്പിക്കുന്ന വിവിധ മത്സരങ്ങള്‍ ഒക്ടോബര്‍ രണ്ട്, മൂന്ന് തീയതികളിലായി നടക്കും. എല്‍.പി, യു.പി. വിഭാഗം വിദ്യാര്‍ഥികള്‍ക്ക് പെന്‍സില്‍ ഡ്രോയിങ്, വാട്ടര്‍ കളര്‍ പെയിന്റിങ് എന്നീ ഇനങ്ങളിലും, ഹൈസ്‌കൂള്‍, കോളേജ് വിഭാഗം വിദ്യാര്‍ഥികള്‍ക്ക് പ്രസംഗം, ഉപന്യാസം, ക്വിസ്, പെന്‍സില്‍ ഡ്രോയിംഗ്, വാട്ടര്‍കളര്‍ എന്നീ ഇനങ്ങളിലുമാണ് മത്സരം നടക്കുക. പങ്കെടുക്കാന്‍ താല്‍പര്യമുള്ളവര്‍ പേര്, പഠിക്കുന്ന ക്ലാസ്സ്, വിദ്യാലയം എന്നിവ സംബന്ധിച്ചുള്ള വിവരങ്ങളും, പ്രധാന അധ്യാപകന്റെ സാക്ഷ്യപത്രവും, സെപ്റ്റംബര്‍ 28 ന് വൈകുന്നേരം 4.30 ന് മുമ്പായി മലപ്പുറം സിവില്‍ സ്റ്റേഷനിലുള്ള സോഷ്യല്‍ ഫോറസ്ട്രി അസിസ്റ്റന്റ് ഫോറസ്റ്റ് കണ്‍സര്‍വേറ്ററുടെ ഓഫീസില്‍ എത്തിക്കണം. കൂടുതല്‍ വിവരങ്ങള്‍ക്ക് ഫോണ്‍: 0483-2734803, 9645121445, 9048135953, 8547603857.

തിരുവനന്തപുരം പൂജപ്പുരയിൽ പ്രവർത്തിക്കുന്ന, സെന്റർ ഓഫ് എക്‌സലൻസ് ഫോർ ഡിഫറൻഡ്‌ലി ഏബിൾഡ് സ്റ്റഡീസിൽ, സൗജന്യമായി നടത്തുന്ന വിവിധ കോഴ്സുകളിലേയ്ക്ക് നാല്പത് ശതമാനത്തിൽ കൂടുതൽ വൈകല്യമുള്ള ഭിന്നശേഷിക്കാർക്ക്, അപേക്ഷിക്കാം. അപേക്ഷാ ഫോം സെന്റർ ഓഫ് എക്‌സലൻസ് ഫോർ ഡിഫറൻഡ്‌ലി ഏബിൾഡ് സ്റ്റഡീസിന്റെ പൂജപ്പുര ഓഫീസിൽ നിന്ന് നേരിട്ടും, ceds.kerala.gov.in എന്ന വെബ്സൈറ്റിലും ലഭ്യമാണ്. പൂരിപ്പിച്ച അപേക്ഷാഫോം സെപ്റ്റംബർ 25ാം തീയ്യതിക്ക് മുമ്പായി സെന്റർ ഓഫ് എക്‌സലൻസ് ഫോർ ഡിഫറൻഡ്‌ലി ഏബിൾഡ് സ്റ്റഡീസിന്റെ പൂജപ്പുര ഓഫീസിൽ ലഭ്യമാക്കണം. കൂടുതൽ വിവരങ്ങൾക്ക് 8289827857, 0471 2345627.

കേന്ദ്ര തൊഴിൽ ഉദ്യോഗ മന്ത്രാലയത്തിനു കീഴിൽ തിരുവനന്തപുരത്ത് തൈക്കാട് പ്രവർത്തിക്കുന്ന ദേശീയ തൊഴിൽ സേവന കേന്ദ്രം പട്ടികജാതി/ പട്ടികവർഗത്തിൽപ്പെട്ട യുവതീ യുവാക്കൾക്കായി സെപ്റ്റംബർ 26ന് സൗജന്യ പ്ലേസ്മെന്റ് ഡ്രൈവ് സംഘടിപ്പിക്കും. താത്പര്യമുള്ള ഉദ്യോഗാർഥികൾ സെപ്റ്റംബർ 25ന് ഉച്ചയ്ക്ക് ഒരു മണിയ്ക്ക് മുമ്പ് https://forms.gle/8i4gm43JXnmF4gNv9 എന്ന ലിങ്കിൽ രജിസ്റ്റർ ചെയ്യണം. ഉദ്യോഗാർഥികൾ ബയോഡാറ്റയും വിദ്യാഭ്യാസയോഗ്യത, ജാതി, വയസ് എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകളും സഹിതം സെപ്റ്റംബർ 26ന് തിരുവനന്തപുരം തൈക്കാട് സംഗീത കോളജിന് പിന്നിലുള്ള നാഷണൽ കരിയർ സർവീസ് സെന്റർ ഫോർ എസ്.സി/ എസ്.ടിയിൽ ഹാജരാകണം. വിശദവിവരങ്ങൾക്ക്: 0471-2332113/ 8304009409.

വ്യവസായ വാണിജ്യ വകുപ്പി൯്റെ കേരള ഇൻസ്റ്റിട്യൂട്ട് ഫോർ എന്റർപ്രണർപ്പ് ഡവലപ്മെൻ്റ് സംഘടിപ്പിക്കുന്ന, ഗ്രോത്ത് പൾസ് പരിശീലന പരിപാടിയിലേയ്ക്ക് സംരംഭകർക്ക്‌ അപേക്ഷിക്കാം. സെപ്തംബർ 24 മുതൽ 28 വരെ കളമശ്ശേരിയിലുള്ള കീഡ് ക്യാമ്പസ്സിലാണ് പരിശീലന പരിപാടി സംഘടിപ്പിക്കുന്നു. നിലവിൽ സംരംഭം തുടങ്ങി അഞ്ച് വർഷത്തിൽ താഴെ പ്രവൃത്തി പരിചയമുള്ള സംരംഭകർക്ക് മാർക്കറ്റിംഗ് സ്ട്രാറ്റജീസ്, ഫിനാ൯ഷ്യൽ മാനേജ്മെ൯്റ് ജി എസ് ടി ആ൯്റ് ടാക്സേഷ൯, ഓപ്പറേഷണൽ എക്സല൯സ്, സെയിൽസ് പ്രോസസ് ആ൯റ് ടീം മാനേജ്മെ൯്റ് വിഷയങ്ങളാണ് പരിശീലനത്തിൽ ഉൾപ്പെടുത്തിയിരിക്കുന്നത്. താത്പര്യമുള്ളവർ കീഡിൻ്റെ വെബ്ലൈറ്റ് ആയ www.kied.info/training-calender/ ൽ ഓൺലൈനായി സെപ്തംബർ 20ന് മുമ്പ് അപേക്ഷ സമർപ്പിക്കണം. കൂടുതൽ വിവരങ്ങൾക്ക് ഫോൺ 0484 2532890/2550322/9188922785. 

ലോക പേവിഷബാധ ദിനമായ സെപ്റ്റംബർ 28 ന് ആരോഗ്യവകുപ്പിന്റെയും, ആരോഗ്യ കേരളത്തിന്റെയും ആഭിമുഖ്യത്തിൽ മലപ്പുറം ജില്ലയിലെ കോളേജ് വിദ്യാർഥികൾക്കായി ജില്ലാതല ക്വിസ് മത്സരം സംഘടിപ്പിക്കുന്നു. തിരൂരങ്ങാടി നഗരസഭാ ഓഡിറ്റോറിയത്തിൽ വെച്ച് നടക്കുന്ന മത്സരത്തിൽ, ഒരു കോളേജിൽ നിന്നും രണ്ട് വിദ്യാർഥികൾ അടങ്ങുന്ന ഒരു ടീമിന് പങ്കെടുക്കാം. കോളേജ് പ്രിൻസിപ്പലിന്റെ സാക്ഷ്യപത്രവുമായാണ് മത്സരത്തിന് ഹാജരാകേണ്ടത്. വിവരങ്ങൾക്ക് ഫോൺ: 9539984491.

വയനാടിലെ സിക്കിൾസെൽ രോഗികൾക്ക് പ്രത്യേക ഓണക്കിറ്റുമായി ആരോഗ്യ വകുപ്പ്. നിലവിൽ നൽകി വരുന്ന ന്യൂട്രീഷൻ കിറ്റിന് പുറമെയാണ് ഓണക്കിറ്റ് നൽകുന്നത്. പായസം കിറ്റ്, തേയിലപ്പൊടി, കാപ്പിപ്പൊടി, പഞ്ചസാര, ചെറുപയർ, വൻപയർ, കടല തുടങ്ങിയ ഇനങ്ങളാണ് കിറ്റിൽ ഉൾപ്പെടുത്തിയിരിക്കുന്നത്.

പട്ടികജാതി വിഭാഗത്തില്‍പ്പെട്ട പാരാമെഡിക്കല്‍ ബിരുദ/ഡിപ്ലോമ യോഗ്യതയുള്ളവരിൽ നിന്നും വിവിധ സര്‍ക്കാര്‍ ആശുപത്രികളിലേയ്ക്ക് പരിശീലനത്തിനായി അപേക്ഷ ക്ഷണിച്ചു. താല്പര്യമുള്ളവർ ജാതി, വരുമാനം, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റ്, രജിസ്‌ട്രേഷന്‍ സര്‍ട്ടിഫിക്കറ്റ് എന്നിവയുടെ പകര്‍പ്പ് സഹിതം സെപ്തംബര്‍ 13 -ന് മുമ്പായി കാക്കനാട് കളക്ടറേറ്റിലുള്ള ജില്ലാ പട്ടികജാതി വികസന ആഫീസ്സില്‍ അപേക്ഷ സമര്‍പ്പിക്കേണ്ടതാണ്. വിശദ വിവരങ്ങള്‍ക്ക് 04842422256.

അളവ് തൂക്ക സംബന്ധമായ പരാതികൾ പരിഹരിക്കുന്നതിന് തിരുവനന്തപുരം ജില്ല ആസ്ഥാനം കേന്ദ്രീകരിച്ച് ലീഗൽ മെട്രോളജി വകുപ്പ് കൺട്രോൾ റൂം പ്രവർത്തനമാരംഭിച്ചു. ഉപഭോക്താക്കൾക്ക് പരാതികൾ ലീഗൽ മെട്രോളജി വകുപ്പിന്റെ സുതാര്യം മൊബൈൽ ആപ്പിലൂടെയും, ജില്ലാ കേന്ദ്രത്തിലും താലൂക്ക് കേന്ദ്രങ്ങളിലും താഴെപ്പറയുന്ന ഫോൺ നമ്പറുകളിലും അറിയിക്കാവുന്നതാണ്.

കൺട്രോൾ റൂം: 9188525701, 8281698011, 8281698020. താലൂക്കുകൾ: തിരുവനന്തപുരം: 8281698012, 8281698013. ആറ്റിങ്ങൽ: 8281698015. നെടുമങ്ങാട്: 8281698016. നെയ്യാറ്റിൻകര: 8281698017, 8281698018. കാട്ടാക്കട: 9400064081. വർക്കല: 9400064080.

വിഎച്ച്എസ്ഇ അഗ്രികൾച്ചർ, ഡിപ്ലോമ ഇൻ അഗ്രികൾച്ചർ, ഓർഗാനിക് ഫാമിംഗ് എന്നിവയിൽ യോഗ്യതയുള്ള ഉദ്യോഗാർത്ഥികൾക്ക് എറണാകുളം ജില്ലയിലെ കൃഷിഭവനിൽ, ഇന്റേൺഷിപ് അറ്റ് കൃഷിഭവൻ പദ്ധതിയിലേക്ക് സെപ്റ്റംബർ 13 വരെ അപേക്ഷിക്കാം. www.keralaagriculture.gov.in എന്ന ഔദ്യോഗിക വെബ്‌സൈറ്റ് വഴി ഓൺലൈനായോ, എറണാകുളത്തെ ജില്ലാ കൃഷി ഓഫീസിലും, ബ്ലോക്ക് തല കൃഷി അസിസ്റ്റൻ്റ് ഡയറക്ടർ ഓഫീസിലും, കൃഷിഭവനുകളിലും ഓഫ്‌ലൈനായോ അപേക്ഷ സമർപ്പിക്കേണ്ടതാണ്. അപേക്ഷാ ഫോറം www.keralaagriculture.gov.in എന്ന വെബ്‌സൈറ്റിൽ നിന്നും ഡൗൺലോഡ് ചെയ്യാം.

പുതിയ സംരംഭം തുടങ്ങാൻ താത്പര്യമുള്ളവർക്കായി കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്മെന്റ് അഞ്ച് ദിവസത്തെ ശിൽപശാല സംഘടിപ്പിക്കും. 24 മുതൽ 28 വരെ കളമശേരിയിലുള്ള ക്യാമ്പസിലാണ് പരിശീലനം. താല്പര്യമുള്ളവർ http://kied.info/training-calender/ ൽ ഓൺലൈനായി സെപ്റ്റംബർ 18നകം അപേക്ഷ സമർപ്പിക്കണം. കൂടുതൽ വിവരങ്ങൾക്ക്: 0484-2532890, 2550322, 9188922800.

കളമശ്ശേരി കാർഷികോത്സവം സെപ്റ്റംബർ 7 മുതൽ 13 വരെ സംഘടിപ്പിക്കും. കളമശ്ശേരി ചാക്കോളാസ് പവലിയനിലാണ് കാർഷികോത്സവ നഗരി ഒരുങ്ങുന്നത്. കാർഷികോൽസവത്തിനായി സജ്ജീകരിച്ചിട്ടുള്ള 132 സ്റ്റാളുകളിൽ എല്ലാത്തരം കാർഷികോൽപന്നങ്ങളുമുണ്ടാകും. കൃഷി ഉപകരണങ്ങൾ, കൃഷി അനുബന്ധ ഉൽപന്നങ്ങൾ, ഭക്ഷ്യമേളയിൽ തനതു രുചികളായ അട്ടപ്പാടി വനസുന്ദരി ചിക്കൻ, രാമശ്ശേരി ഇഡ്ഡലി, കുടുംബശ്രീ വിഭവങ്ങൾ, കൂവ - കൂൺ വിഭവങ്ങൾ, ചെറുധാന്യ വിഭവങ്ങൾ എന്നിവ മുതൽ പ്രമുഖ സ്റ്റാർ ക്യൂസീനുകൾ വരെ അണിനിരക്കും.

എറണാകുളം ജില്ലയിലെ പ്രവാസിസംരംഭകര്‍ക്കായി നോർക്ക റൂട്സും കാനറാ ബാങ്കും സംയുക്തമായി 2024 സെപ്റ്റംബര്‍ 05ന് പ്രവാസി ബിസിനസ് ലോൺ ക്യാമ്പ് സംഘടിപ്പിക്കുന്നു. ടി ഡി റോഡ് നോർത്ത് എൻഡ് ലക്ഷ്മിഭായി ടവറിലെ കാനറാ ബാങ്ക് റീജിയണൽ ഓഫീസിലാണ് ക്യാമ്പ്. താല്‍പര്യമുള്ളവര്‍ നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്) ബന്ധപ്പെട്ട്, രജിസ്റ്റര്‍ ചെയ്യേണ്ടതാണ്.  

 കേരള സർക്കാരിന്റെ നിയന്ത്രണത്തിലുള്ള തിരുവനന്തപുരം എൽ.ബി.എസ് സെന്റർ ഫോർ സയൻസ് ആൻഡ് ടെക്‌നോളജിയുടെ പൂജപ്പുരയിലുള്ള എൽ ബി എസ് ഐറ്റി ഡബ്യു കാമ്പസിലെ പരിശീലന കേന്ദ്രത്തിൽ ആരംഭിക്കുന്ന ഡാറ്റ എൻട്രി ആൻഡ് ഓഫീസ് ഓട്ടോമേഷൻ (ഇംഗ്ലീഷ്, മലയാളം) കോഴ്സിലേയ്ക്ക് എസ്.എസ്.എൽ.സി പാസായവർക്ക് അപേക്ഷിക്കാം. അപേക്ഷകൾ സെപ്റ്റംബർ 10 വരെ www.lbscentre.kerala.gov.in എന്ന വെബ്‌സൈറ്റ് മുഖേന സമർപ്പിക്കാം. കൂടുതൽ വിവരങ്ങൾക്ക് ഫോൺ: 0471-2560333.

തിരുവനന്തപുരം ജില്ലയിലെ ആദിവാസി, തീരദേശ മേഖലകളിലുള്ള ഒൻപത് മുതൽ പന്ത്രണ്ട് വരെ ക്ലാസുകളിലുള്ള പെൺകുട്ടികൾക്കായി, ശാസ്ത്ര വിഷയങ്ങളിൽ മുന്നോട്ടുള്ള പഠന - ജോലി സാധ്യതകളെ മനസ്സിലാക്കി കൊടുക്കുകയും താത്പര്യമുള്ളവരെ മുന്നോട്ടു നയിക്കുകയുമാണ് കളക്ടേഴ്സ് സൂപ്പർ 100 എന്ന പദ്ധതിയുടെ ലക്ഷ്യം. സൂപ്പർ 100 ലേക്ക് തിരഞ്ഞെടുക്കപ്പെട്ട കുട്ടികൾക്ക് വേണ്ടി ജില്ലാ കളക്ടറേറ്റിൽ ഒരു ലൈബ്രറി ഒരുക്കുന്നു. ഇതിനായി പുസ്തകങ്ങൾ സമാഹരിക്കുന്നതിനായി 'Super Bookathon' എന്ന ക്യാമ്പയിൻ സംഘടിപ്പിക്കുന്നു. ശാസ്ത്ര, സാങ്കേതിക, എൻജിനീയറിങ്ങ്, ഗണിത വിഷയങ്ങളുമായി ബന്ധപ്പെട്ടവയും കഥകളും ലേഖനങ്ങളുമടക്കം പാഠ്യേതര പുസ്തകങ്ങളാണ് നൽകേണ്ടത്. തിരുവനന്തപുരം കളക്ട്രേറ്റിൽ പുസ്തകങ്ങൾ നേരിട്ടെത്തിക്കുകയോ തപാൽ വഴിയോ നൽകാം. വിലാസം: കളക്ട്രേറ്റ്, 2-ാം നില സിവിൽ സ്റ്റേഷൻ ബിൽഡിങ്, കുടപ്പനക്കുന്ന്, തിരുവനന്തപുരം, 695043. വിവരങ്ങൾക്ക് 9645947934. ഇ-മെയിൽ: dctvpminterns@gmail.com.

 സ്റ്റുഡന്റ് പോലീസ് കേഡറ്റ് പദ്ധതി ആരംഭിക്കാന്‍ താല്പര്യമുള്ള സര്‍ക്കാര്‍, സര്‍ക്കാര്‍ എയ്ഡഡ് ഹൈസ്‌കൂളുകളില്‍ നിന്ന് അപേക്ഷകള്‍ ക്ഷണിച്ചു. നിശ്ചിത മാതൃകയിലുള്ള അപേക്ഷാഫോറം www.keralapolice.gov.in എന്ന വെബ്സൈറ്റില്‍ നിന്ന് ഡൗണ്‍ലോഡ് ചെയ്ത് സ്‌കൂള്‍ പ്രധാന അധ്യാപകര്‍ കൃത്യമായി പൂരിപ്പിച്ച് സെപ്റ്റംബര്‍ 13ന് വൈകിട്ട് അഞ്ചിനു മുമ്പായി spcprogramme.pol@kerala.gov.in എന്ന ഈമെയില്‍ വിലാസത്തില്‍ അയയ്ക്കണം. അപേക്ഷയും അനുബന്ധ രേഖകളും പദ്ധതിയുടെ ജില്ലാ നോഡല്‍ ഓഫീസില്‍ നേരിട്ടും സമര്‍പ്പിക്കണം. വിവരങ്ങള്‍ക്ക് 0471 2432655

സംസ്ഥാന സർക്കാരിൻ്റെ നൂറു ദിന കർമ്മ പരിപാടിയുടെ ഭാഗമായി എംപ്ലോയ്‌മെൻ്റ് വകുപ്പ് തിരുവനന്തപുരം വഴുതക്കാട് ഗവണ്മെന്റ് വിമൻസ് കോളേജിൽ സെപ്റ്റംബർ 7 ന് നിയുക്തി'- 2024 മെഗാ തൊഴിൽ മേള സംഘടിപ്പിക്കുന്നു. ടെക്നോപാർക്ക്, ഹോസ്പിറ്റാലിറ്റി, പാരാമെഡിക്കൽ, ഓട്ടോമൊബൈൽ, ഫിനാൻസ് , മാർക്കറ്റിംഗ് തുടങ്ങി വിവിധ മേഖലകളിൽ നിന്നുള്ള 70 പ്രമുഖ കമ്പനികൾ മേളയിൽ പങ്കെടുക്കും. SSLC, +2, ബിരുദം, ബിരുദാനന്തര ബിരുദം, ITI, ഡിപ്ലോമ, ബി.ടെക്, ജനറൽ നഴ്സിംഗ്, ഹോട്ടൽ മാനേജ്മെൻ്റ്, പാരാമെഡിക്കൽ, എം ബി എ, എം സി എ, പി എച്ച് ഡി യോഗ്യതയുള്ളവർക്ക് പങ്കെടുക്കാം. താല്പര്യമുള്ളവർ www.jobfest.kerala.gov.in എന്ന വെബ് സൈറ്റ് വഴി രജിസ്റ്റർ ചെയ്യണം. കൂടുതൽ വിവരങ്ങൾക്ക് 8921916220, 8304057735,7012212473,9746701434.

പൂജപ്പുര എൽബിഎസ് ഇൻസ്റ്റിറ്റ്യൂട്ട് ഓഫ് ടെക്നോളജി ഫോർ വിമെനിലെ വിവിധ വിഭാഗങ്ങളിലെ പോളിടെക്നിക് ഡിപ്ലോമയിൽ ആഗസ്റ്റ് 29 മുതൽ 31 വരെ സ്പോട്ട് അഡ്മിഷൻ. നിലവിൽ അപേക്ഷ സമർപ്പിച്ചിട്ടുള്ളവർക്കും അപേക്ഷിക്കാത്തവർക്കും അഡ്മിഷനായി നേരിട്ട് ഹാജരാകാം. വിശദവിവരങ്ങൾക്ക്: 9142022415, 9895983656, 9995595456, 9497000337, 9496416041.

 ജില്ലാ കളക്ടറുടെ മൂന്ന് മാസം നീണ്ടു നിൽക്കുന്ന ഇന്റേൺഷിപ്പ് പ്രോഗ്രാമിലേക്ക് അപേക്ഷ ക്ഷണിക്കുന്നു. ഇന്റേണുകൾക്ക് ജില്ലാ കളക്ടറുടെ മേൽനോട്ടത്തിൽ നടത്തിവരുന്ന നൂതന പദ്ധതികളുടെ നിർവഹണത്തിനും പങ്കാളിത്തത്തിനും അവസരം ലഭിക്കും. അതോടൊപ്പം ഇന്റേൺഷിപ്പ് വിജകരമായി പൂർത്തിയാക്കുന്നവർക്ക് സർട്ടിഫിക്കറ്റ് ലഭിക്കും. 26 വയസ്സിൽ താഴെയുള്ള ബിരുധദാരികൾക്കായിരിക്കും അവസരം. https://bit.ly/3Mddciy എന്ന ലിങ്ക് വഴി സെപ്തംബർ 5 ന് മുൻപായി അപേക്ഷിക്കാം.

വൈദ്യുതി നിരക്കുകൾ 2027 മാർച്ച് 31 വരെയുള്ള കാലയളവിലേക്ക് പരിഷ്‌ക്കരിക്കുന്നതിന് പൊതുതെളിവെടുപ്പ് നടത്തുന്നു. സെപ്റ്റംബർ 3ന് രാവിലെ 11 ന് നളന്ദ ടൂറിസ്റ്റ് ഹോം (കോഴിക്കോട്), സെപ്റ്റംബർ 4ന് രാവിലെ 11 ന് ജില്ലാ പഞ്ചായത്ത് ഹാൾ (പാലക്കാട്), സെപ്റ്റംബർ 5ന് രാവിലെ 10.30 ന് കോർപ്പറേഷൻ ടൗൺഹാൾ (എറണാകുളം), സെപ്റ്റംബർ 10ന് രാവിലെ 10.30 ന് കോൺഫറൻസ് ഹാൾ, പ്രിയ ദർശിനി പ്ളാനിറ്റോറിയം, പി.എം.ജി (തിരുവനന്തപുരം) എന്നിവിടങ്ങളിലാണ് തെളിവെടുപ്പ് നടക്കുക.

പൊതുതെളിവെടുപ്പിൽ പൊതുജനങ്ങൾക്കും, തൽപ്പരകക്ഷികൾക്കും നേരിട്ട് പങ്കെടുത്തോ, തപാൽ, ഇ-മെയിൽ മുഖേനയോ അഭിപ്രായങ്ങൾ രേഖപ്പെടുത്താം. തപാൽ മുഖേന അയയ്ക്കുന്ന അഭിപ്രായങ്ങൾ സെക്രട്ടറി, കേരള സംസ്ഥാന വൈദ്യുതി റെഗുലേറ്ററി കമ്മീഷൻ, കെ.പി.എഫ്.സി ഭവനം, സി.വി.രാമൻപിള്ള റോഡ്, വെള്ളയമ്പലം, തിരുവനന്തപുരം 695010 എന്ന വിലാസത്തിലും ഇ-മെയിൽ kserc@erckerala.org വിലാസത്തിലും സെപ്റ്റംബർ 10ന് വൈകിട്ട് 5 വരെ സ്വീകരിക്കും.

സംസ്ഥാന വനിതാ കമ്മിഷനിൽ പരാതി നല്‍കുന്നതിന് കോഴിക്കോട്, എറണാകുളം മേഖലാ ഓഫീസുകളേയും സമീപിക്കാം. മേഖല ഓഫീസുകളിൽ കമ്മിഷന്‍ അസ്ഥാനത്ത് എന്നതുപോലെ പരാതി നേരിട്ട് നൽകാം. ഉത്തരമേഖല ഓഫീസ് കോഴിക്കോട് സിവില്‍ സ്റ്റേഷനിലെ ജില്ലാപഞ്ചായത്ത് ഓഫീസ് സമുച്ചയത്തിൽ പ്രവർത്തിക്കുന്നു. ഫോണ്‍: 0495-2377590. ഇ-മെയില്‍: kwckkd@gmail.com. മധ്യമേഖലാ ഓഫീസ്: എറണാകുളം കോര്‍പ്പറേഷന്‍ ബില്‍ഡിങ്‌സ്, നോര്‍ത്ത് പരമാര റോഡ്, കൊച്ചി-18. ഫോണ്‍: 0484-2926019, ഇമെയില്‍: kwcekm@gmail.com . പരാതി സംബന്ധമായ അന്വേഷണങ്ങള്‍ക്ക് 0471-2307589 എന്ന നമ്പറില്‍ ബന്ധപ്പെടാം.

പട്ടികജാതി പട്ടികവർഗ്ഗ വികസന കോർപ്പറേഷൻ തൃശ്ശൂർ ജില്ലയിലെ പട്ടികജാതി പട്ടിക വർഗ്ഗത്തിൽപ്പെട്ട 18 നും 55 നും മദ്ധ്യേ പ്രായമുള്ള തൊഴിൽരഹിതരായവരിൽ നിന്നും സ്വയംതൊഴിൽ വായ്പകൾക്ക് അപേക്ഷ ക്ഷണിച്ചു. 60000 രൂപ മുതൽ 4 ലക്ഷം രൂപ വരെ വയ്പ് ലഭിക്കും. വരുമാന പരിധി 3 ലക്ഷം രൂപ. വായ്പ ലഭിക്കുന്നതിന് അഞ്ചു സെന്റിൽ കുറയാത്ത വസ്തു അല്ലെങ്കിൽ ഉദ്യോഗസ്ഥ ജാമ്യം ഹാജരാക്കണം. അപേക്ഷാഫോറത്തിനും വിശദ വിവരങ്ങൾക്കും തൃശ്ശൂർ രാമനിലയത്തിനു സമീപമുള്ള കോർപ്പറേഷന്റെ ജില്ലാ ഓഫീസുമായി ബന്ധപ്പെടണം. ഫോൺ: 0487 2331556, 9400068508.

സര്‍ക്കാരിന്റെ മൂന്നാം വാര്‍ഷികത്തിന്റെ ഭാഗമായി ഇടുക്കി ജില്ലിയിൽ തദ്ദേശ അദാലത്ത് ആഗസ്റ്റ് 30ന് ചെറുതോണി ടൗൺ ഹാളിൽ സംഘടിപ്പിക്കും. പഞ്ചായത്ത്, നഗരസഭ എന്നിവിടങ്ങളിൽ അപേക്ഷ നൽകിയിട്ടും, നിശ്ചിത സമയപരിധിക്കുള്ളിൽ സേവനം ലഭിക്കാത്തവ , ബിൽഡിംഗ് പെർമിറ്റ് കംപ്ലീഷൻ, ക്രമവൽക്കരണം, വ്യാപാര വാണിജ്യ വ്യവസായ സേവന ലൈസൻസുകൾ, സിവിൽ രജിസ്ട്രേഷൻ, നികുതികൾ, ഗുണഭോക്തൃ പദ്ധതികൾ, പദ്ധതി നിർവഹണം, സാമൂഹ്യ സുരക്ഷാ പെൻഷൻ, മാലിന്യ സംസ്കരണം, പൊതുസൗകര്യങ്ങൾ, ആസ്തി മാനേജെന്റ്, സ്ഥാപനങ്ങളുടെയും സംവിധാനങ്ങളെയും സൗകര്യങ്ങളുടെയും കാര്യക്ഷമത, എന്നീ വിഷയങ്ങൾ അദാലത്തിൽ പരിഗണിക്കും. പരാതികൾ adalat.Isgkerala.gov.in എന്ന വെബ് സൈറ്റിൽ ഓഗസ്റ്റ് 25-നകം അപ്‌ലോഡ് ചെയ്യേണ്ടതാണ്.

വയനാട് ഉരുൾപൊട്ടൽ ദുരന്തം അതിജീവിച്ച് ബന്ധുവീടുകളിലും ക്യാമ്പുകളിലും കഴിയുന്ന ഭിന്നശേഷിക്കാര്‍ക്ക് നഷ്ടപ്പെട്ട രേഖകളും ആനുകൂല്യങ്ങളും ലഭ്യമാക്കുന്നതിന് കല്‍പ്പറ്റ സിവില്‍ സ്റ്റേഷനിലെ ജില്ലാ സാമൂഹികനീതി ഓഫീസിൽ ബന്ധപ്പെടണം. ഫോണ്‍- 04936 205307

വയനാട്ടിലെ ഉരുൾപൊട്ടലിൽ ജീവൻ നഷ്ടപ്പെട്ടവരുടെ ആശ്രിതർക്ക്, COVID-19 ദുരന്തസമയത്ത് നൽകിയിരുന്ന ആനുകൂല്യങ്ങൾക്ക് സമാനമായി, അർഹമായ എക്സ്‌ഗ്രേഷ്യ ഉൾപ്പെടെയുള്ള എല്ലാ ആനുകൂല്യങ്ങളും വിതരണം ചെയ്യാൻ സർക്കാർ മാർഗ്ഗനിർദേശങ്ങൾ പുറപ്പെടുവിച്ചു. ദുരന്ത നിവാരണ നിയമത്തിന്റെ 19-ാം വകുപ്പ് പ്രകാരമുള്ള അധികാരം ഉപയോഗിച്ച്, സംസ്ഥാന സർക്കാർ ഈ ആനുകൂല്യങ്ങൾ കാലതാമസം കൂടാതെ നൽകുന്നത് ഉറപ്പാക്കാൻ നടപടിക്രമങ്ങളിൽ ഇളവ് വരുത്തിയിട്ടുണ്ട്. ഉത്തരവ് 

വയനാട് ഉരുൾപൊട്ടൽ ദുരന്തത്തിൻ്റെ തുടർ പ്രവർത്തനങ്ങൾക്കും അതി ജീവിച്ചവരുടെ സുസ്ഥിര പുനരധിവാസം സാധ്യമാക്കുന്നതിന് ആവശ്യമായ സജ്ജീകരണങ്ങൾ ഒരുക്കുന്നതിനും പഞ്ചായത്തിന്റെ നേതൃത്വത്തിൽ ദുരിതാശ്വാസ നിധി ആരംഭിച്ചു. മേപ്പാടി ഡിസാസ്റ്റർ 2024 എന്ന പേരിൽ ഇൻസ്റ്റഗ്രാം, ഫേസ്ബുക്ക്, വാട്ട്സ്ആപ്പ് അക്കൗണ്ടുകൾ മുഖേന സോഷ്യൽ മീഡിയ പ്ലാറ്റ്ഫോമുകളിലൂടെയാണ് തുക സമാഹരണം നടത്തുക.കൂടുതൽ വിവരങ്ങൾക്ക് - 04936-282422

അകൗണ്ട് ഉടമ - സെക്രട്ടറി മേപ്പാടി ഗ്രാമപഞ്ചായത്ത്

അക്കൗണ്ട് നമ്പർ - 2154182183, ഐ.എഫ്.എസ്.സി - CBIN0280971, 

യു.പി.ഐ ഐ.ഡി - 11819862@cbin

ബ്രാഞ്ച് - മേപ്പാടി, സെൻട്രൽ ബാങ്ക് ഓഫ് ഇന്ത്യ

വയനാട് മേപ്പാടി ഗ്രാമ പഞ്ചായത്തിലെ മുണ്ടക്കൈ - ചൂരൽമല പ്രദേശങ്ങളിൽ ഉരുൾപൊട്ടലിൽ ഭവന രഹിതരായ മുഴുവൻ ആളുകളും ആഗസ്റ്റ് 16 നകം നിശ്ചിത പെർഫോർമയിൽ വിശദ വിവരങ്ങൾ പഞ്ചായത്ത് ഓഫീസിൽ നൽകണം. കൂടുതൽ വിവരങ്ങൾക്ക് 04936-282422, 8606837466 നമ്പറുകളിൽ ബന്ധപ്പെടാം