വന്യജീവി വാരാഘോഷത്തോടനുബന്ധിച്ച് വനം വന്യജീവി വകുപ്പ് മലപ്പുറം ജില്ലയിലെ വിദ്യാര്ഥികള്ക്കായി സംഘടിപ്പിക്കുന്ന വിവിധ മത്സരങ്ങള് ഒക്ടോബര് രണ്ട്, മൂന്ന് തീയതികളിലായി നടക്കും. എല്.പി, യു.പി. വിഭാഗം വിദ്യാര്ഥികള്ക്ക് പെന്സില് ഡ്രോയിങ്, വാട്ടര് കളര് പെയിന്റിങ് എന്നീ ഇനങ്ങളിലും, ഹൈസ്കൂള്, കോളേജ് വിഭാഗം വിദ്യാര്ഥികള്ക്ക് പ്രസംഗം, ഉപന്യാസം, ക്വിസ്, പെന്സില് ഡ്രോയിംഗ്, വാട്ടര്കളര് എന്നീ ഇനങ്ങളിലുമാണ് മത്സരം നടക്കുക. പങ്കെടുക്കാന് താല്പര്യമുള്ളവര് പേര്, പഠിക്കുന്ന ക്ലാസ്സ്, വിദ്യാലയം എന്നിവ സംബന്ധിച്ചുള്ള വിവരങ്ങളും, പ്രധാന അധ്യാപകന്റെ സാക്ഷ്യപത്രവും, സെപ്റ്റംബര് 28 ന് വൈകുന്നേരം 4.30 ന് മുമ്പായി മലപ്പുറം സിവില് സ്റ്റേഷനിലുള്ള സോഷ്യല് ഫോറസ്ട്രി അസിസ്റ്റന്റ് ഫോറസ്റ്റ് കണ്സര്വേറ്ററുടെ ഓഫീസില് എത്തിക്കണം. കൂടുതല് വിവരങ്ങള്ക്ക് ഫോണ്: 0483-2734803, 9645121445, 9048135953, 8547603857.